Inatsisartut Naalakkersuisullu tunngaviusumik inatsisissamik suliaqartoqarnissaanik aalajangiisimammatta tunngaviusumik inatsisissaq pillugu isumalioqatigiissitamik pilersitsipput. Kalaallit Nunaata tunngaviusumik inatsisissaata tunngavissaanik suliaqarneq aallartippoq. Aatsaat Kalaallit Nunaanni inuiaat oqartussaaqataanerat aqqutigalugu inatsimmik tunngaviusumik suliaqartoqarnialerpoq.
Isumalioqatigiissitami politikkikkut atituumik aallartitaqarfiunissaa kissaatigalugu isumalioqatigiissitaq katitigaassaaq. Isumalioqatigiissitami ilaasortat arfineq-marluupput, partiillu Inatsisartuni ilaasortaatitai naapertorlugit agguataagaapput. Inatsisartuni partiit isumalioqatigiissitamut ilaasortassanik inassuteqaqquneqarput.
Ukulu ilaasortanngortinneqarput:
Siulittaasoq: Vivian Motzfeldt (Siumut)
Siulittaasup tullia: Ane Hansen (Inuit Ataqatigiit)
Ilaasortat: Jess Svane (Siumut), Mimi Karlsen (Inuit Ataqatigiit), Per Rosing-Petersen (Partii Naleraq), Mala Høy Kúko (Atassut)…
Naalakkersuisut nalunaarutaat tamakkiisoq uani atuarsinnaavat:
http://naalakkersuisut.gl/kl-GL/Naalakkersuisut/Pisut/2017/04/260417-Forfatningskommiss-etableret
