“2016-imi avammut tunisanit isertitat 3.718 mio. kr.- iusimapput. Tamanna ukiup siulianut sanilliullugu 979 mio. kr.-inik qaffariarneruvoq, tassalu 35,7 pct.-iulluni. Avammut tunisat nalingata qaffariarneranut pissutaanerpaavoq Kinguppaat Qalerallillu avammut tunisat nalingisa annertuseriarsimanerat, taakkua ukiup siulianut sanilliullugit 404 mio. kr.-inik aammalu 318 mio. kr.-inik qaffariarsimammata.
Nioqqutissanik eqqussuinermut aningaasartuutit 2016-imi 4.192 mio. kr.-iusimapput. Tamanna ukiup siulianut sanilliullugu 295 mio. kr.-inik appariarneruvoq, pct.-inngorlugu -6,6 -iulluni. Appariarnermut pissutaanerpaavoq Mineralit ikummatissallu avataaneersut annikillisimaneri, 2015-miit 699 mio. kr.-iniit 2016-imut 399 mio. kr.-nut appariarmata. Annikilleriaat 300 mio. kr.-iuvoq pct.-inngorlugu -42,9 pct.-iulluni.
Takussutissiaq 1. Oqimaaqatigiissut 2012-2016
| 2012 | 2013 | 2014 | 2015 | 2016 | |
| 1.000 kr. | |||||
| Niuernermi oqimaaqatigiissut …… | -2.213.198 | -2.319.555 | -1.727.069 | -1.748.239 | -474.627 |
| Eqqussuineq …….. | 4.995.811 | 5.361.225 | 4.866.739 | 4.487.040 | 4.192.412 |
| Nunanut allanut tunisineq | 2.782.612 | 3.041.671 | 3.139.671 | 2.738.800 | 3.717.785 |
| Najoqqutaq: http://bank.stat.gl/IENBALMND |
Niuernermi oqimaaqatigiissut taamaalilluni 2016-imi -475 mio. kr.-inik amigartoorfiuvoq, tamanna ukiup siulianut sanilliullugu niuernermi oqimaaqatigiissut 1.274 mio. kr.-inik pitsanngoriarfiuvoq.”
Naatsorsueqqissaartarfiup nalunaarutaa tamakkiisoq uani atuarneqarsinnaavoq:
http://www.stat.gl/publ/kl/IE/201702/pdf/Udenrigshandel 2016.pdf
