Siumut: “SULISSUTIGAARPUT NUNATTA NAALAGAAFFINNGORNISSAA.”

“SULISSUTIGAARPUT NUNATTA NAALAGAAFFINNGORNISSAA

Siumup siuttuuffigalugu naammasillugu suliaraa Namminersornerulluni Oqartussaanerup 1979-imi anguneqarnera, aamma Siumup siuttuuffigalugu naammasillugu suliaraa Namminersorluni Oqartussaanerup 2009-imi anguneqarnera. Siumup Namminersorluni Oqartussaaneq naalagaaffinngornissamut ikaarsaariarnissamut aaqqissuussinertut isigaa, taamaammat Siumup sulissutiginiarpaa Kalaallit Nunatta tunngaviusumik inatsisissaata pimoorullugu suliarineqarnissaa, kalaallinit namminneq suliarineqarluni ilusilersorneqarlunilu.

Siumup anguniarpaa ataqqeqatigiilluni suleqatigiillunilu naalagaaffeqatigiinnerup kiffaanngissuseqarfiusup (free association) piviusunngortinnissaa. Siumut isumaqarpoq inuiaqatigiit imminnut aalajangiiffigisinnaatitaanerat ataqqisariaqartoq.

Siumup anguniarpaa nunatta naalagaaffinngornissaa, uagutsinnut tunngasutigut nammineerluta tamakkisumik akisussaaffigilernissarput – avataaniit naalakkatut isigisunit oqartussaaffigineqarata.

Siumup kissaatigaa uagut, nunatta inui, nammineerluta killilersugaanatalu nunatta soqutigisai pillugit nunanik allanik isumaqatigiissuteqartalernissarput – pinngitsaaliissummik nakkutilliisoqarata.

Siumut isumaqarpoq inuiaat kalaallit nunat tamalaat akornanni inatsisit naapertorlugit inuiattut immikkuullarissutut isigineqartariaqartut akuerineqartariaqartullu.

Siumup pilersikkumavai inuiaqatigiit kikkunnut tamanut pitsaasumik atugassaqartitsisut naligiimmillu periarfissaqartitsisut.

Siumup pilersikkumavai nunatsinni inuiaqatigiit naligiissitaasut sumi inunngorsimaneq, arnaaneq, angutaaneq, upperisaqarneq imaluunniit ammip qalipaataa apeqqutaatinnagit.

Inuiaqatigiit nutaaliaasut atugarissaartut nunamilu kikkut tamarmik kiffaanngissuseqarfigisaanni toqqissisimaffigisaannilu taamaallaat ineriartorsinnaassapput innuttaasut nammineq inuunerminnut, ilaquttaminnut, eqqaaminuminnut suleqatiminnut inuttaaqatiminnullu akisussaaqataasutut misigisi-mappata.

Siumup suliniutigiuassavaa inuttut atugarisatigut aningaasaqarnikkullu naligiinngissutsit nalimmassarneqarnissaat.

Naligiinnerup ilagaattaaq kikkut tamarmik naligiimmik ilinniarsinnaatitaanissaat – aammalu nammineq piginnaasat aallaavigalugit suliffeqarsinnaasariaqarneq. Naligiinneq demokratiip tunngavigissavaa inuit tamarmik naligiimmik naleqassusiat aallaavigalugu.

Kalaallit Nunatsinni innuttaaqataasugut ikinnerput akueralugu inuiaqatigiittut aaqqissuussisariaqarpugut kikkut tamarmik kissaatigisartik malillugu pisinnaasaminnik atuisinnaanngortillugit, nunatsinnilu ataatsimooqatigiinnerput mianeralugu.”

Siumup partiitut anguniagai tamakkiisut uani atuarneqarsinnaapput:
http://siumut.gl/sites/default/files/public/Siumup_anguniagai_2014-2017_KAL_0.pdf

 

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s