Issittup Nunarsuarmi nunanit annerpaanit soqutigineqaraluttuinarnera
Nunatta Qallunaat Nunaannut pingaaruteqaleraluttuinnarneranik kinguneqartoq nalunanngilaq, soorlu uani Qallunaat ambassadør-erisimasaat Friis Arne Petersen taamak naliliisoq:
https://borsen.dk/nyheder/udland/eksambassador-gronland-er-blevet-et-kaempe-strategisk-aktiv
Amerikkarmiunit piumaffigineqarnermikkut Qallunaat Nunaata issittumi, taamalu Nunatsinni, sakkutooqarnikkut annertusaanera maanna tupinnanngitsumik Amerikkarmiunik nersualaarneqarpoq, soorlu uani atuarneqarsinnaaasoq:
https://www.france24.com/en/live-news/20210517-blinken-welcomes-danish-arctic-military-boost
Taamatulli iliornerat Naalakkersuisooqatigiinngortut anguniagaannut akerliulluinnartut inissisimavoq, Naalakkersuisooqatigiinngortummi ima isumaqatigiissutiminni allapput:
“…Erseqqissarusupparpullu nunarput sakkulersorfiussanngitsoq, uagullu pineqartilluta avaqqunneqartassanngilagut.”
(Naalakkersuisooqatigiinnermut isumaqatigiissut, Qupp. 16)
Qallunaatullu suliaminni suli sukannernerusumik oqaasertalersorsimavaat, paatsuugassaanngitsunik, ima: “…Vi vil understrege at Grønland skal demilitariseres, og at der ikke kan ske noget om os, uden os.” (Koalitionsaftalen, Side 14)
Assigiinngissut annertoqimmat, Qallunaat Naalakkersuisuisa iliuusaat Nunatsinnilu Naalakkersuisut anguniagaannut – pissanganassaaq qanoq aaqqiivigineqassanersoq.
