IA: “Inuit Ataqatigiit Nunatta aningasarsiornikkut naalakkersuinikkullu namminiilivinnissaa sulissutigaat”

 

Siunissaq

Namminersorneq pillugu isumaqatigiissutikkut Nunatsinni nammineq tunngaviusumik inatsisissatsinnik suliamik aallartitsisinnaanermut pisinnaatitaaffeqarnerput qulakkeerneqarpoq, namminersornerlu pillugu inatsit immini Nunatta aningaasatigut naalakkersuinikkullu namminiilivinnissaanik ineriartortitsisinnaanermut sinaakkusiisuuvoq.

Inuit Ataqatigiit pingaartippaat, tunngaviusumik inatsisissamut piareersaataasumik sulinerup sapinngisamik piaarnerpaamik aallartinneqarnissaa. Suliami tassani innuttaasut sapinngisamik annertunerpaamik akuutinneqassapput isumagineqassaarlu inuiaqatigiinni tunngaviusumik naleqartitavut pillugit oqallittoqarnissaa.

Aamma Inuit Ataqatigiit pingaartitaraat, aningaasatigut ineriartortitsineq avatangiisitigut, inuiaqatigiinni isumaginninnikkullu piujuaannartitsinissaq tunngavigalugu ingerlanneqassasoq.

Nunatta tunngaviusumik inatsisissaanut piareersaataasumik sulineq tunngaviliilluartuussaaq nunatta kinguariinnit tulliuttunit ineriartorteqqinneqarnissaanut. Suliami inuit pisinnaatitaaffii, kikkut tamarmik oqartussaaqataanerat akisussaaqataanerlu eqqarsaatigineqartuassapput, kiisalu aamma inuiaqatigiit akornanni nunatta, imartatta pisuussutittalu piujuaannartitsineq tunngavigalugu atuisariaqarnerannik sammiveqassalluni.

 

Peqatigisaanik tunngaviusumik inatsisissamik piareersaataasumik suliaqarnermi erseqqissaavigine- qassaaq siunissami Kalaallit Nunaat namminersulivissimasoq silarsuarmioqatigiit akornanni qanoq inissisimassanersoq.”

IA-p partiitut anguniagai tamakkiisut aajuku:

http://ia.gl/bcknd/wp-content/uploads/Tunngaviusumik-siunnerfiit-FINAL.pdf